کیا آپ کو معلوم ہے کہ آنے والے سالوں میں موبائل فونز میں وائی فائی نہیں ہوگا؟ جانیں اہم معلومات

موبائل ہم سب کی بنیادی ضرورت میں سے ایک ہے، پھر چاہے آپ اسے کسی دفتری کام کے لئے استعمال کریں یا گھریلو اور اینڈرائڈ صارفین میں سے بیشتر تو موبائل صرف تفریح کی غرض سے استعمال کرتے ہیں، کسی کو گیم کھیلنا ہے تو کسی کو سوشل میڈیا پر کالنگ یا بلاگنگ وغیرہ۔ ہر کام موبائل میں اب وائی فائی یعنی کہ انٹرنیٹ کے اہم ذریعئے کے تحت ہی ممکن ہوتا ہے۔ مگر ایک خفیہ راز یہاں آپ کو بتاتے چلیں کہ کچھ سالوں بعد" وائی فائی" موبائلوں میں اور گھروں میں نظر نہیں آئے گا لیکن پریشان نہ ہوں۔

ہم تو آپ کو اس سے بھی اچھی بات بتا رہے ہیں کہ اب وائی فائی کی جگہ " لائی فائی" کی زبردست ٹیکنالوجی آنے والی ہے۔ جو کہ وائی فائی سے بھی زیادہ تیز چلے گا اور اس کی سپیڈ روشنی کی رفتار کے برابر کام کرنے کی پوری صلاحیت رکھے گی۔

اس کا مطلب یہ ہوا کہ آپ کی پسندیدہ وہ موبائل ایپلی کیشنز جواب تین سے سات منٹ لے رہی ہوتی ہیں ڈاؤن لوڈ ہونے میں وہی دو سے تین سیکنڈز کی تیزی میں ڈاؤن لوڈ ہوجایا کریں گی۔ لوکیشنز اور جی پی ایس اتنی تیزی سے بھاگے گا کہ آپ کا وہ وقت جو اب سرچ ہونے میں ضائع ہوتا ہے لائی فائی سے بالکل آسانی سے بچ جائے گا، اور نام ڈالتے ہی جگہ پر پہنچ جائیں گے۔

لائی فائی ایک ایل ای ڈی لائٹ کے تحت آپریٹ ہوگا لہٰذا سگنلز چوری ہونے کی بھی شکایت نہیں ہوگی یعنی اگر آپ پردے کھڑکیاں بند کرلیں تو پاسورڈ چاہے کسی محلے والے کو پتہ ہو تو بھی نہیں چلے گا، اس کی مدد سے آپ بیس فلمیں بھی بیک وقت ڈاؤن لوڈ کرسکیں گے۔